Ola, familias!

Fainos moitísima ilusión compartir con vós unha gran noticia. Desde o ANPA sempre buscamos iniciativas que sumen, que coiden dos nosos e que, ademais, nos faciliten o día a día. Por iso, asinamos un convenio de colaboración co Gabinete Psicopedagóxico Arco Iris.

O mellor de todo é que non teredes que ir moi lonxe: ¡están no noso propio barrio! Isto non só vos aforrará tempo en desprazamentos, senón que nos permite apoiar ao comercio e aos profesionais da nosa contorna.

Cais son as vantaxes para os socios do ANPA?

Grazas a este acordo, todas as familias asociadas ao ANPA que estean ao corrente de pago poderedes gozar dos seguintes descontos exclusivos:

10 € de desconto na terapia mensual.
10% de desconto en avaliacións psicopedagóxicas e psicolóxicas.
5 € de desconto nas sesións individuais de terapia logopédica e psicoloxía para adultos (porque coidar de nós, os maiores, tamén é fundamental).

Como beneficiarse do desconto?

É moi sinxelo. Só teredes que acreditar a vosa condición de socios do ANPA (presentando o carné ou o xustificante da cota do curso actual) no momento de solicitar a información ou o servizo no gabinete.

Agradecemos enormemente ao equipo de Arco Iris a súa disposición e compromiso coas familias do noso colexio. Agardamos que este recurso vos sexa de gran utilidade.